Ministria e Industrisë, Ndërmarrësisë dhe Tregtisë (MINT) ka publikuar çmimet maksimale të lejuara të derivateve të naftës për ditën e sotme, duke bërë të ditur një ulje të lehtë të çmimit të naftës krahasuar me një ditë më parë.
Sipas njoftimit zyrtar, nafta do të shitet me çmim maksimal prej 1.50 euro për litër, që paraqet një ulje prej dy centësh. Benzina është caktuar në 1.39 euro për litër, ndërsa gazi në 0.67 euro për litër.
Çmimet e reja hyjnë në fuqi nga ora 10:00 dhe do të jenë të vlefshme deri në njoftimin e radhës nga autoritetet kompetente.
MINT thekson se këto rregullime bëhen në bazë të lëvizjeve në tregjet ndërkombëtare të energjisë dhe synojnë stabilizimin e çmimeve për konsumatorët në vend.
