Në kohën kur në veri të Kosovës po shënohen incidente të shumta, dhe situata aktualisht është e brishtë, sot në Prishtinë do të jenë dy zyrtarë amerikan.
Gabirel Escobar, i dërguari i Posaçëm i SHBA-së për Ballkanin Perëndimor, i cili ka arritur mbrëmë në Kosovë, gjatë ditës së sotme pritet të ketë takim me shefin e Qeverisë, Albin Kurtin.
Përveç Escobarit, për vizitë në Prishtinë do të jetë edhe këshilltari i Departamentit Amerikan të Shtetit, Derek Chollet.
DASH ende nuk e ka konfirmuar zyrtarisht datat e vizitës së tyre në Kosovë. Ndonëse, për Escobar’in thonë se “udhëton shpesh në rajon dhe do të jetë aty për konsultime të rregullta”.
Escobar të dielën ka vizituar Manastirin e Deçanit. Kjo u bë e ditur nga vet Manastiri përmes faqes së tyre zyrtare në Twitter.
Vizita e Escobar dhe Chollet, vjen menjëherë pas asaj të emisarit të BE-së, për dialogun Kosovë-Serbi, Miroslav Lajçk, i cili qëndroi në Prishtinë e Begorad për tu takuar me krerët e dy shteteve.
Po ashtu, kjo vizitë vjen edhe disa ditë pas njoftimit të kryediplomatit evropian, Josep Borell, se Prishtinës dhe Beogradit u është dorëzuar teksti i përditësuar i të ashtuquajturit plan franko-gjerman për normalizimin e marrëdhënieve.
Ky plan, i mbështetur nga Shtetet e Bashkuara, synon për zgjidhjen e mosmarrëveshjeve mes dy vendeve
