Rusia ka miratuar një listë të kombeve që i konsideron “armiqësore”, mes të cilave ka përfshirë të gjitha vendet e Bashkimit Evropian (BE), edhe Shtetet e Bashkuara, Japoninë dhe Kanadanë.
Ky urdhër vjen pas sanksioneve masive që vendet perëndimore kanë aktivizuar kundër Rusisë, si kundërpërgjigje ndaj pushtimit të këtij vendi kundër Ukrainës.
Urdhri me listën është nënshkruar nga kryeministri Mikhail Mishustin dhe është pjesë e Dekretit të Presidentit të Federatës Ruse të lëshuar më 5 mars 2022.
Në total, lista ka 48 vende. Konkretisht, ai përfshin 27 shtetet anëtare të Bashkimit Evropian që kanë miratuar dënime të rënda kundër Rusisë pas fillimit të pushtimit më 24 shkurt dhe kanë njoftuar dërgesat e armëve për ushtrinë ukrainase.
Përveç kësaj, në listë ato përcaktohen si vende armiqësore territore të tjera si SHBA, Kanada, Australia, Shqipëria, Andorra, Britania, Islanda dhe Lihtenshtajni.
Në të njëjtën linjë, Monako, Zelanda e Re, Norvegjia, Republika e Koresë, San Marino, Maqedonia e Veriut, Singapori, Tajvani, Mali i Zi, Japonia e Zvicra, njofton Top Channel.
Lista ruse ka përfshirë edhe ishullin Tajvan që Pekini e pretendon si të tijin.
