Sekretari i Përgjithshëm i NATO-s, Mark Rutte, përmendi rëndësinë e sigurisë në Ballkanin Perëndimor, duke thënë se stabiliteti dhe situata në Ballkanin Perëndimor janë një preokupim i madh.
“Sigurisht që stabiliteti dhe situata në Ballkanin Perëndimor janë një preokupim i madh, prandaj NATO është e pranishme si në Kosovë ashtu edhe në Bosnje dhe Hercegovinë”, ka thënë Rutte sot në konferencë për media.
“Natyrisht, kemi pesë aleatë në rajon – Mali i Zi, Maqedonia e Veriut, Shqipëria, Kroacia dhe Sllovenia – dhe po punojmë ngushtë së bashku. Por ju lutem kuptoni që, si sekretar i përgjithshëm, duhet të përmbahem që të mos komentoj mbi çdo zhvillim në çdo pjesë të botës, përfshirë Ballkanin Perëndimor”.
“Kjo është një çështje për aleatët që ta vendosin, dhe ekzistojnë shumë marrëveshje dypalëshe dhe tripalëshe midis tyre”.
“E di, për shembull, që Holanda dhe Belgjika po bashkëpunojnë në shumë çështje, dhe sigurisht që kjo është e ndryshme nga ajo për të cilën po flisni. E kuptoj që po adresoni një temë të rëndësishme, por prapëseprapë, mendoj se nuk duhet të komentoj vetë”.
