SHBA shënon 20 vjetorin e sulmeve të 11 Shtatorit

SHBA shënon 20 vjetorin e sulmeve të 11 Shtatorit

Presidenti amerikan Joe Biden ka kërkuar unitet në 20 vjetorin e sulmeve të 11 Shtatorit.



Në një video të publikuar ai bëri homazhe për 2,977 njerëzit që humbën jetën 20 vjet më parë.

“Ne nderojmë të gjithë ata që rrezikuan dhe dhanë jetën në minutat, orët, muajt dhe vitet më pas”, shtoi Biden, duke iu referuar punonjësve të urgjencës.

Ngjarjet përkujtimore pritet të zhvillohen këtë të shtune, shkruan BBC.

“Pavarësisht se sa kohë ka kaluar, këto përkujtime kthejnë dhimbjen sikur kemi marrë lajmin pak sekonda më parë”, tha presidenti.

Ai e pranoi se “forcat më të errëta të natyrës njerëzore – frika dhe zemërimi, pakënaqësia dhe dhuna kundër myslimanëve amerikanë” pasuan sulmet, por tha se uniteti kishte mbetur forca më e madhe e SHBA-së.

“Ne mësuam se uniteti është e vetmja gjë që nuk duhet të humbet kurrë”, shtoi ai.

Sulmi ndaj Kullave Binjake ishte kryer më 11 shtator 2001 nga një grup prej 19 vetash rrëmbyes radikalë.

Në sulmin e 11 Shtatorit humbën jetën rreth 3 mijë persona.

Related Articles