Sekretarja për Shtyp e Shtëpisë së Bardhë, Karoline Leavitt, ka deklaruar se presidenti amerikan Donald Trump, gjatë gjashtë muajve të parë të mandatit të tij të dytë, ka ndërmjetësuar për ndaljen e një konflikti çdo muaj.
Në një konferencë për media, Leavitt theksoi se Trump ka ndërmjetësuar marrëveshje paqeje ose armëpushimi në raste të ndryshme, përfshirë konfliktet mes Tajlandës dhe Kamboxhias, Izraelit dhe Iranit, Ruandës dhe Republikës Demokratike të Kongos, Indisë dhe Pakistanit, Serbisë dhe Kosovës, si dhe Egjiptit dhe Etiopisë.
Ajo veçoi rastin e Serbisë dhe Kosovës, për të cilin Trump ka folur shpesh kohët e fundit, duke pretenduar se kishte ndalur një sulm të mundshëm të Serbisë ndaj Kosovës, përmes kërcënimeve me sanksione tregtare ndaj Beogradit.
