Shoqata “Roja e Kohës” organizon sot një protestë paqësore në sheshin “Zahir Pajaziti” në Prishtinë, duke filluar nga ora 14:00.
Kjo protestë vjen si reagim ndaj ngjarjeve të fundit tragjike që kanë tronditur opinionin publik dhe kanë ngritur shqetësime serioze për sigurinë e jetës në vend.
Shkak për organizimin e tubimit janë disa raste të fundit të vrasjeve që kanë shokuar shoqërinë dhe kanë nxitur debat për efektivitetin e masave të sigurisë si dhe reagimin e institucioneve përkatëse.
Në protestë pritet të marrin pjesë qytetarë, aktivistë dhe përfaqësues të shoqërisë civile, të cilët do të shprehin shqetësimet e tyre përmes pankartave dhe mesazheve sensibilizuese, duke kërkuar veprim konkret për përmirësimin e sigurisë dhe mbrojtjen e jetës njerëzore./GazetaEnigma/
