Java e 22’të në Superligën e Kosovës në futboll vazhdon sot me tri ndeshje interesante.
Dje, Drita u mposht nga Ballkani me rezultatin 0-1, teksa Llapi fitoi ndaj Malishevës me rezultatin 3-0.
Sot, Superliga vazhdon me tri ballafaqime tejet interesante. Skuadra e Prishtinës e mirëpret Gjilanin me fillim nga ora 13:30 në stadiumin e qytetit në Suharekë.
Prishtina synon të kthehet tek rezultatet pozitive, pasi nuk njeh fitore në 5 ndeshjet e fundit, kurse Gjilani nuk “guxon” të gabojë pas fitores së Ballkanit.
Ndërkohë, nga ora 13:00 luhen dy sfidat tjera, Ulpiana – Drenica dhe Feronikeli – Dukagjini.
