Avokati, Kastriot Frashëri ka folur lidhur me vetëvrasjen e gazetarit Kastriot Myftaraj, dy ditë më parë.
Frashëri tha se nuk besonte se kjo ishte një vetëvrasje duke shtuar se Myftaraj nuk vuante nga depresioni.
Më tej ai ka zbuluar detaje të reja pasi mbërriti në shtëpinë e të ndjerit, ku tha se pas ekzaminimit të vendit nga ku supozohej të ishte vetëhedhur Myftaraj, rezultonte e pamundur të kishte ndodhur diçka e tillë pas përmasat e tij trupore nuk ia lejonin këtë.
Mes të tjerash, avokati rrëfeu edhe bisedën me nënën e gazetarit të ndjerën për të cilën tha se e kishte ndjerë se diçka nuk shkonte.
“Unë si një njeri që e njoh gjatë prej dy dekadash, miku im iku në mënyrën më të pamerituar nga kjo botë. Sepse një njeri i madh siç ishte ai, i kishte bërë përmendore vetes prandaj edhe miqtë i kishte të shumtë. Kastrioti kishte edhe admirim të veçantë nga njerëzit për shkak të temave që guxonte të trajtonte pasi edhe një pjesë e madhe e tyre binte ndesh me interesa të mëdha”, tha ai.
Më tej avokati ka thënë se nuk mendon se e bëri Kastrioti diçka të tillë.
“Unë jam një nga njerëzit e parë që kam shkuar në familjen e tij. E ëma nuk dinte asgjë, dera ishte lënë hapur. Policia kishte marrë informacionet e neviojshme dhe për ta qetësuar i kishin thënë se Kastrioti u kishte kërkuar ndihmë dhe e kishin dërguar në ambulancë për të bërë disa ekzaminime”.
“Duke përfituar nga prania e oficerëve aty, unë kam dhënë një deklarim aty që kjo nuk është një vetëvrasje. Nuk mund të hidhej ai, kush e njihte e di se nuk mund ta bënte. Nuk është çështje depresioni kjo. Prandaj edhe në cilësinë e një avokati kam kërkuar zyrtarisht që kushdo që ka dijeni për këtë çështje duhet t’i referojë në organet kompetente. Si njeri i fjalës publike, guximi i tij që ishte i tepruar në një vend si i yni, e bënte akoma më të ekspozuar”.
Ai ka sqaruar se “në momentin që lajmi mori dhenë, unë gati u ktheva në një ‘call center’ pasi pata telefonata të shumta ku jepja shpjegime njerëzve të shumtë që u interesuan. Kur shkova tek nëna e tij e gënjeva që erdha të takoj Kastriotin i thashë. Ajo më tha se kishte ardhur policia dhe ndihej e shqetësuar dhe tha se ishte këputur edhe teli i rrobave, mos ka ardhur ndonjë njeri tha. E ndjente zemra e saj”.
“Me instiktin e një njeriut të ligjit shkova të shihja edhe vendin, kur pashë ballkonin e kuptovs se aty nuk mundej, të paktën për përmasat trupore, edhe unë nuk do mundesha dot jo më ai që ishte më i shëndetshëm. Duhej të ishe një akrobat”, tha avokati Frashëri.
