Njëri nga burgjet më moderne të Danimarkës, i cili gjithsej ka kapacitet për 235 të burgosur është burgu i mbyllur me shkallë të lartë të sigurisë, Enner Mark.
Ky burg u përurua në vitin 2006, ndërkaq në vitin 2008 iu dha çmimi i arkitekturës nga Bashkia Horsens.
Përbëhet nga pesë seksione të pavarura, ndërkaq ndërtimi është fleksibil me mundësi ndarje, ku të burgosurit ndahen në grupe më të vogla.
Burgu i Sigurisë së Lartë, Enner Mark në Danimarkë
Burgu Enner Mark ka një unazë betoni rreth e përqark 6 metra të lartë dhe 1 mijë e 400 metra të gjatë me 300 kamera vëzhgimi.
Brenda këtij burgu, të burgosurit mund të punësohen, të studiojnë, kanë një shtëpi aktivitetësh dhe u mundësohen vizita deri në 48 orë nga të afërmit e tyre.
Burgu i Sigurisë së Lartë, Enner Mark në Danimarkë
Burgu ka dy apartamente vizitore, ku të burgosurit mund të vizitohen nga të afërmit e tyre deri në 48 orë, thuhet në përshkrimin e këtij burgu në faqen e Shërbimit Danez të Burgjeve dhe Provës.
Burgu i Sigurisë së Lartë, Enner Mark në Danimarkë
Ndërkaq, punësimi përfshin zdrukthëtari me punishte mobiljesh, montim, punishte metali, pastrim, punëtori shërbimi duke përfshirë kujdesin e sipërfaqeve të gjelbra.
Mësimi organizohet si mësimdhënie me një lëndë me oferta mësimore në disa nivele. Ndërkaq ka edhe kurse ku ofrohen ato të higjienës, ndihmës së parë ose kurse për jetesë të përditshme e gjëra të zakonshme.
Burgu i Sigurisë së Lartë, Enner Mark në Danimarkë
Burgu ka një shtëpi aktiviteti me dyqan, bibliotekë, kishë, dhomë muzikore dhe një sallë sporti, si dhe ka një oborr të jashtëm me bari artificial, i cili përdoret kryesisht për futboll.
Burgu i Sigurisë së Lartë, Enner Mark në Danimarkë
Përveç kësaj, seksionet individuale ofrojnë mundësi për aktivitete të tilla si stërvitje, bilardo, pingpong dhe të tjera të ngjashme.
Ndryshe, ministri i Drejtësisë në Danimarkë, Nick Hækkerup do të qëndrojë për vizitë në Kosovë të hënën, ku pritet të zyrtarizohet marrëveshja për dhënie me qira të qelive të burgut këtij shteti.
Burgu i Sigurisë së Lartë, Enner Mark në Danimarkë
Qendra Korrektuese në Gjilan planifikohet tu jepet me qira danezëve, duke qenë se zyrtarë të lartë të institucioneve korrektuese të Danimarkës në tetor të 2020-s kishin vizituar Shërbimin Korrektues të Kosovës dhe kjo qendër korrektuese ishte preferuar nga ta.
Marrëveshja është për të burgosurit me 10 vite dënim nga gjykatat në Danimarkë, në të cilën nuk përfshihen vepra të terrorizmit dhe të personave me probleme mendore.
Pas nënshkrimit pritet që marrëveshja të ratifikohet në Kuvendin e Kosovës, si edhe të gjitha marrëveshjet ndërkombëtare. / Gazeta Enigma.
