Sonte në orët e pasditës, rreth orës 20:10, është arrestuar Xhevdet Januzaj, i dyshuar për veprën penale “Vrasje e rëndë” në Pejë.
Për Gazetën Enigma lajmin e ka konfirmuar zëdhënësi i Policisë së Kosovës për Rajonin e Pejës, Fadil Gashi, i cili tha se i dyshuari për momentin gjendet në Stacionin Policor.
“Po sonte rreth orës 20:10 është arrestuar i dyshuari për vrasje të rëndë. Për momentin ai gjendet në Stacionin Policor në Pejë”, tha ai për Gazetën Enigma.
