Laura Fazliu po shkëlqen në Grand Slamin e Tbilisit. Xhudistja kosovare tashmë është në finale të kategorisë deri 63 kilogramë. Në gjysmëfinale pa asnjë problem e ka kaluar australianen Katharina Haecker, që ishte bartësja e tretë.
Ndaj australianes, Laura fitoi me Ippon maestral. Ajo realizoi hedhje të shkëlqyer pas vetëm 25 sekondave luftë.
Laura po dëshmon që është top-xhudiste.
Dje medalje të argjendta fituan Nora Gjakova e Distria Krasniqi. Tani Laura kërkon medaljen e artë.
