Gazeta Enigma raportoi të hënën ekskluzivisht se një person i gjinisë mashkullore u gjet i vdekur në ashensor të një banese, raporton Gazeta Enigma.
Enigma mëson se personi në fjalë është Musa Hamitin nga Gjilani, i cili nga familjarët u deklarua i zhdukur më 10 janar të këtij viti.
Një hetim për zhdukjen e tij kishte nisur pasi që u raportua se biznesmeni gjilanas me vete kishte edhe 86 mijë franga.
Enigma mëson po ashtu se një shumë e konsiderueshme të hollash iu gjet në gjep viktimës.
Ndërkohë nga policia e Kosovës e kanë konfirmuar rastin për Enigmën.
LEXO EDHE: U gjet i vdekur në ashensor të një banese në Gjilan, Policia jep detaje
“Ju njoftoj se me datë 26.02.2024 rreth orës 22:37, policia e Kosovës stacioni policor në Gjilan kanë marrë një informatë se në bodrumin e një ashensori të një ndërtese në rrugën Gjilan -Kamenicë është vërejtur një person i cili dyshohet të jetë i vdekur”, ka thënë zëdhënësi i Policisë për rajonin e Gjilanit, Ismet Hashani.
Ai ka njoftuar se prokurori i shtetit po merret me rastin në fjalë.
“Lidhur me rastin është informuar prokurori i shtetit dhe të gjitha njësitet relevante, ku me urgjencë kanë dalë në vendin e ngjarjes . Trupi i dyshuar pa shenja jete ende nuk është identifikuar për shkak të rrethanave në vendin ku është gjetur. Për informatat shtesë do të ju njoftojmë në vazhdim”.
LEXO EDHE: Zhdukja e biznesmenit gjilanas, e dyshuara që ishte shitur nga familjarët tek një serb, pretendon se Musa Hamiti merrej me prostitucion
Zbulohet identiteti i personit që u gjet i vdekur në ashensor, iu gjet në gjep një shumë e konsiderueshme e parave
