Instituti EPIK ka publikuar një raport lidhur me mbështetjen e Bashkimit Evropian për Kosovën, për ta luftuar pandeminë COVID-19, raporton Gazeta Enigma.
Sipas këtij raporti thuhet se 78% e qytetarëve të Kosovës mendojnë se BE-ja ka qenë ajo e cila ka ndihmuar më së shumti Kosovën në përballje me pandeminë.
“BE-ja i ka siguruar 5 milionë euro për të ofruar mbështetjen shëndetësore duke filluar nga testet, shtretërit, ato-ambulancat e deri tek respiratorët”, thuhet në raport.
Tutje, mbështetje tjetër e dhënë nga BE-ja ishte ndarja e 63 milionë eurove si ndihmë ekonomike dhe sociale për grupet më të cenueshme të shoqërisë.
Bashkimi Evropian siguroj edhe 100 milion euro si kredi e butë për të ruajtur stabilitetin makroekonomik në Kosovë.
Në kuadër të këtyre ndihmave nga BE-ja, hyjnë edhe sigurimi i 395 mijë vaksinave nga COAX ku 95 mijë prej tyre ishin ndihmë e drejtpërdrejtë nga BE-ja.
