Sot zhvillohet derbi i madh kosovar mes Dritës dhe Gjilanit.
Drita dhe Gjilani do të përballen me fillim nga ora 13:00, në kuadër të xhiros së 24’të të Superligës së Kosovës në futboll, shkruan Gazeta Enigma.
Pak para ndeshjes dy ekipet gjilanase kanë publikuar edhe formacionet zyrtare.
Tradicionalisht këto dy skuadra kanë dhuruar emocione të veçanta në fushë, por sot ky derbi e ka edhe rëndësinë e madhe të pikëve.
Ndryshe, Gjilani është në pozitën e dytë me 46 pikë, dy më pak se Ballkani i vendit të parë, kurse Drita në vendin e tretë me 41 pikë.
“Skifterat” i kanë fituar dy derbit e këtij edicioni ndaj skuadrës së Ardian Nuhiut, kështu që “Intelektualët” janë të “detyruar” për fitore. /Gazeta Enigma/
