Nol Dedaj, ekspert i komunikacionit, ka thënë se përgjegjësinë për numrin e aksidenteve me fatalitet në Kosovë e ka Qeveria e Kosovës.
Sipas tij, aksidentet e mëdha ndodhin për shkak se shteti nuk ka asnjë veprim sa i përket sigurisë rrugore.
Ai tha se “është pikërisht ajo pse shteti nuk merr masa për parandalimin e këtyre aksidenteve.
“Nuk ka Këshill të Sigurisë, shteti nuk e ka ndërmend as krijimin e agjensioneve të cilat janë të domosdoshme për uljen e numrit të aksidenteve”, tha Dedaj për Gazetën Enigma.
Ai ndër të tjera theksoi se dhënia e patentë shoferëve është njëri nga elementet e faktorit edukativ ose të komunikacionit.
“Sa i përket patentë shoferit është vetëm njëri nga elementet e faktorit edukativ ose faktorit të komunikacionit në rrugë i cili sigurisht që e ka përqindjen e vet si shkaktar të aksidenteve. Pra, mosnjohja e elementeve të sigurisë rrugore”, tha ai.
Ndër të tjera, Dedaj ka thënë se Kosova nuk i plotëson kushtet për patentë shofer.
LEXO EDHE: Aksidentet me fatalitet rezultat se “shteti nuk ka asnjë veprim sa i përket sigurisë rrugore”
Sipas tij, Institucionet e Kosovës nuk janë të përgaditura ngase nuk kanë krijuar institucione përkatëse për raste të tilla. Ai ka thënë se Kosova ka profesionistë të kësaj larmie mirëpo, këta të fundit nuk janë në vendin e duhur.
“Kosova ka profesionista por njerëzit e duhur nuk janë tek vendi i duhur. Aty janë personat që shohin paranë dhe jo profesionalizmin”, ka shtuar ai.
