Zëvendëskryeministri Besnik Bislimi priti sot në takim komisionaren për të Drejtat e Njeriut të Këshillit të Evropës, Dunja Mijatoviq, të cilën e informoi rreth angazhimit të Qeverisë në zbardhjen e fatit të të zhdukurve gjatë luftës.
Në takim u diskutua edhe mbi avancimin e barazisë gjinore dhe rëndësinë e kuotave të grave në institucione publike të Republikës së Kosovës.
Bislimi foli edhe mbi bashkëpunimin që tashmë Kosova e ka përmes institucioneve ku është anëtare, siç janë Komisioni i Venedikut dhe Banka e Këshillit të Evropës, si dhe aplikimit të Kosovës për anëtarësim në Këshillin e Evropës.
Ndërsa, komisionerja Mijatoviq u shpreh falënderuese për mikpritjen nga ana e institucioneve të Republikës së Kosovës, gjatë punës së saj monitoruese për të drejtat e njeriut, si dhe fushat që kanë të bëjnë me drejtësinë tranzicionale, kohezionin social, liritë e mediave dhe barazia gjinore.
Gjithashtu, u përshëndet dhe puna e Qeverisë për njohjen dhe verifikimin e statusit të personave të dhunuar gjatë luftës.
