Policia e Kosovës, ka bërë të ditur se në tri raste të ndara janë arrestuar dy persona për dhunë në familje.
Njëri nga ta është arrestuar në fshatin Gllavicë të Shtimes, pasi dyshohet se pas një mosmarrëveshje në familje, i shkakton lëndime trupore djalit të tij.
Personi tjetër i arrestuar është në rrugën “Agim Prodani” në Ferizaj, i cili dyshohet se ka sulmuar nënën e tij 51-vjeçare, njofton Klankosova.tv.
Rasti tjetër ka ndodhur në fshatin Sevce në Shtëprcë, ku një grua 39-vjeçare, dyshohet se pas një mosmarrëveshje i shkakton lëndime bashkëshortit të saj dhe largohet nga vendi i ngjarjes.
“Me datën 12.02.2023, në tri raste të ndara janë arrestuar 2 persona për dhunë në familje”.
“Rreth orës 12:30 policia e stacionit në Shtime ka pranuar një informacion se në fshatin Gllavicë të Shtimes është një rast i dhunës në familje. Në lidhje me këtë policia e stacionit në Shtime, konkretisht Njësia e Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin H.B (M/K) i moshës 48 vjeçar, i cili shkak i një mosmarrëveshje në familje i shkakton lëndime trupore djalit të tij 15 vjeçar”.
“Rreth orës 21:30 është raportuar një rast tjetër i dhunës në familje në rrugën ‘’Agim Prodani’’ në Ferizaj. Njësia e Dhunës në Familje menjëherë kanë dalë në vendin e ngjarjes dhe kanë arrestuar personin D.B (M/K) i moshës 23 vjeçar, i cili shkak i një mosmarrëveshje në familje e kishte sulmuar nënën e tij V.S (F/K) e moshës 51 vjeçare”.
“Rreth orës 22:00 policia e stacionit në Shtërpcë ka pranuar një informacion së në fshatin Sevce të Shtërpcës ishte një rast i dhunës në familje. Në lidhje me këtë policia e stacionit në Shtërpcë, konkretisht Njësia e Dhunës në Familje menjëherë i kanë marrë veprimet e nevojshme, kanë dalë në vendin e ngjarjes dhe kanë mësuar se personi I.S (F/K) e moshës 39 vjeçare, shkak i një mosmarrëveshje në familje i shkakton lëndime trupore bashkëshortit të saj S.N (M/K) i moshë 43 vjeçar dhe largohet nga vendi i ngjarjes”.
“Policia të dyshuarit, në të dy rastet i ka shoqëruar në stacionin e policisë dhe pas intervistimit nga policët hetues të dhunës në familje, me vendim të Prokurorit nga Prokuroria Themelore në Ferizaj, të njëjtit janë dërguar në mbajtje për 48 orë, për procedura të mëtejme hetimore, ndërsa në kërkim policor mbetet e dyshuara I.S nga Shtërpca”.
