Ish-kryenegociatorja e Kosovës në dialogun me Serbinë, Edita Tahiri, ka thënë se presidenti i Francës, Manuel Macron dhe kancelari i Gjermanisë, Olaf Scholz, duhet t’i thonë presidentit serb, Aleksandar Vuçiq, që ta pranojë Kosovën shtet, raporton Gazeta “Enigma”.
Kjo sipas Tahirit duhet të bëhet duke u bazuar në shembujt e tyre, kur Franca njohu Algjerinë dhe kur Gjermania pranoi fajësinë nga lufta me Francën.
“Mendoj që Macron dhe Scholz duhet t’i thonë Vuçiqit ta pranojë Kosovën, me shembujt e tyre se Franca e ka pranuar pavarësinë e Algjerisë dhe Gjermania ka pranuar fajësinë nga lufta me Francën. Këto janë shembuj botërorë që kanë sjellë paqe”, ka shkruar Tahiri në Facebook. / Gazeta Enigma.
