Largimi i Lionel Messit nga Paris Saint Germain është thuajse zyrtar dhe argjentinasi i famshëm po përballet me një udhëkryq ku duhet të vendosë nëse do të kthehet në Barcelonë e tij apo do të shkojë në Arabinë Saudite për para.
Prej ditësh po flitet për ofertën e Al Hilalit. Lajmi u raportua ekskluzivisht dy ditë më parë nga gazetari italian Fabrizio Romano, ku thuhet se Al Hilal i ka ofruar Messit një pagë të paprecedentë prej 400 milionë euro në vit.
Po të kemi parasysh ofertën e Messit që ka marrë nga Al Hilal, marrim të dhëna tronditëse dhe të paprecedentë në historinë e futbollit.
Kështu, nëse Messi bie dakord, në Arabinë Saudite ai do të fitonte 13 euro çdo sekondë, dhe 772 euro çdo minutë. Kjo do të thotë se paga për orë për argjentinasin e famshëm do të ishte 46,300 euro.
Messi çdo ditë do të ishte më i pasur për 1.1 milion euro dhe në bazë vjetore kjo sjell gjithsej 400 milionë euro. Një gjë që nuk është parë në botën e sportit.
Pasi kjo ofertë iu dorëzua Messit, tifozët e Barcelonës me të drejtë janë të shqetësuar. Ata prej ditësh kanë bërë thirrje për rikthimin e legjendës së tyre më të madhe në klub dhe gjithçka dukej se po shkonte në këtë drejtim.
Në Barcelonë, ata bënë një plan të veçantë për të sjellë Messin. Presidenti Joan Laporta ka nisur procesin e grumbullimit të një ekipi sponsorësh që do të synojnë të financojnë ardhjen dhe nënshkrimin e Messit.
