Një 45-vjeçar me origjinë shqiptare ka vrarë vajzën e tij 16-vjeçare dhe një italian 51-vjeçar, Massimo De Santis, mesnatën e djeshme në zonën e Foggia në Itali.
Mediat raportojnë se vrasësi i dyshuar, Taulant Malaj është babai i viktimës 16-vjeçare.
Shqiptari 45-vjeçar i ndaluar tentoi të vriste gruan e tij por vajza e tij 16-vjeçare ndërhyri ta mbronte nënën e saj kur ai e goditi vajzën me thikë për vdekje.
E plagosur ka mbetur edhe gruaja e vrasësit të dyshuar. Gruaja tani është e shtruar në spitalin e Foggia.
Motivi i krimit mendohet se është xhelozia pasi 45-vjeçari dyshonte se ish-gruaja ishte në një lidhje me 51-vjeçarin italian.
Krimi ka ndodhur rreth orës dy të mëngjesit dhe fillimisht italiani është goditur me thikë në shkallët e pallatit ku ndodhej.
Më pas, Malaj hyri në shtëpi me qëllim që të vriste gruan e tij, por 16-vjeçari ndërhyri për të mbrojtur nënën e saj dhe u vra. Gruaja ka arritur të arratiset dhe të lajmërojë policinë. Kur ushtarakët mbërritën në vendngjarje, ata bllokuan 45-vjeçarin, i cili sipas hetuesve po endej në zonë në kërkim të djalit tjetër pesëvjeçar me të njëjtën grua. Është gjetur arma e vrasjes, një thikë kuzhine.
