Sërish të hënën ka dështuar mbledhja e Kryesisë së Kuvendit, si pasojë e bojkotit që bënë partitë opozitare, raporton Gazeta Enigma.
Shefi i GP të PDK-së, Abelard Tahiri ka thënë se si subjekt politik nuk do të votojnë asnjë ligj, përfshirë këtu edhe marrëveshjet ndërkombëtare
“As një ditë të vetme nuk e meriton që ky Kuvend të mblidhet. PDK kërkon shpërbërjen e këtij Kuvendi dhe që vendi të shkoj në zgjedhje të parakohshme. Si mund të vazhdohet tutje kur kjo Qeveria si pasojë e veprimeve të saja e ka pruar Kosovën në sanksione të ndryshme nga SHBA dhe BE. Ky parlament, kjo qeveri nuk është kredibile më dhe ne kërkojmë zgjedhje të parakohshme’, tha ai ndër të tjera.
Në mungesë të kourumit ka dështuar të mbahet mbledhja e Kryesisë së Kuvendit të Kosovës.
Shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se përkundër dështimit të mbledhjeve do ta vazhdojnë punën ashtu siç e lejon Kushtetuta.
Sipas saj opozita duhet t’i tregojë arsyet e mospjesmarrjes nëpër mbledhje.
“Për neve është e papranueshme, marrë parasysh se kemi ligje që presin për votim e që janë me rëndësi për jetën e qytetarëve”, ka thënë ajo.
