Kryeministri Albin Kurti do ta presë në takim Zëvendës Ndihmës Sekretaren e Departamentit të Shtetit nga byroja për Demokraci, të Drejta të Njeriut dhe Punë, Nicole Chulick, njofton zyra e tij.
Takimi pritet të fillojë në orën 14:30.
Ky takim vjen një ditë pasi Kurtit në zyrën e tij në Qeveri i shkoi Nënsekretarja amerikane e Shtetit për Diplomaci Publike, Liz Allen.
Allen u takua edhe me presidenten Vjosa Osmani dhe kërkoi zbatimin e të gjitha marrëveshjeve me Serbinë, duke e përmendur themelimin e Asociacionit të komunave me shumicë serbe si hap thelbësor për anëtarësimin euroatlantik të vendit.
