Vetëm gjatë 24 orëve të fundit në vendin tonë në Polici janë raportuar katër raste të dhunës në familje, raporton Gazeta “Enigma”.
Sipas raportit 24-orësh të Policisë së Kosovës një rast është raportuar në rajonin e Prishtinës, një në Istog, një në Klinë dhe një në qytetin e Gjakovës.
“Prishtinë 19.07.2025-14:00. Dyshohet se ankuesja f/k është sulmuar fizikisht nga bashkëshorti i saj i dyshuari m/k. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të është liruar në procedurë të rregullt”, ka njoftuar Policia.
“Istog 19.07.2025-09:00. Ankuesja f/k dyshohet se është kanosur nga e dyshuara f/k. E dyshuara është shoqëruar në stacionin policor dhe pas intervistimit me vendim të prokurorit lirohet në procedurë të rregullt”, thuhet në raportin 24-orësh të Policisë.
“Klinë 19.07.2025-21:50. Viktima f/k dyshohet se pas një mosmarrëveshje është sulmuar fizikisht nga dy të dyshuarit, një mashkull dhe një femër kosovar/e, vëllai i saj dhe bashkëshortja e tij. Viktima ka pranuar tretman mjekësorë . Të dyshuarit janë arrestuar dhe pas intervistimit me vendim të prokurorit janë liruar në procedurë të rregullt”.
“Gjakovë 19.07.2025-10:00. Është arrestuar e dyshuara f/k pasi që e njëjta pas një mosmarrëveshje kishte sulmuar viktimën f/k. Viktima ka pranuar tretman mjekësor, ndërsa e dyshuara pas intervistimit me vendim të prokurorit është liruar në procedurë të rregullt”, njofton Policia. /Gazeta Enigma/
