Prishtina dhe Llapi do të takohen sot (e marte) në kaudër të Superkupës së Kosovës.
Ndeshja mes kampionit të Superligës dhe fituesit të Kupës do të fillojë në ora 20:45 në stadiumin “Fadil Vokrri”.
Prishtina po rikthehet në garat vendore, pas një ecuri që mund të thuhet se ishte pozitive në garat ndërkombëtare, pasi luajti në parakualifikimet e Ligës së Kampionëve, më pas në ato të Ligës së Konferencës.
Në anën tjetër, Llapi bëri daljen e parë në Evropë, mirëpo nuk pati edhe aq shumë të arritura, gjersa do të tentojë të fitojë Superkupën e Kosovës.
Kujtojmë se para takimit, do të jetë edhe një moment historik për futbollin tonë, pasi do të inkuadrohet për herë të parë VAR-i (Video Asistenti i Gjyqtarëve).
