Ish-emisari i Shtëpisë së Bardhë për dialogun Kosovë-Serbi, Richard Grenell, ka reaguar pas zhvillimeve të sotme në veri që rrodhën si rezultat i aksionit të Policisë së Kosovës kundër kontrabandës, raporton Gazeta Enigma.
Grenell përmes një shkrimi në Twitter ka thënë se veprimet e sotme në veri janë thyreje e marrëveshjes së Brukselit, derisa ai akuzon disa politikanë në Prishtinë se kanë ndërmarrë veprime të tilla në prag të zgjedhjeve lokale.
“Manipulimet politike nga disa në Prishtinë përpara zgjedhjeve të së dielës duhet të ndalen. Kjo është e rrezikshme dhe e pamatur”, ka shkruar Grenell.
Në fund të reagimit të tij Grenell thotë se duhet që të reagojë edhe presidenti i SHBA’së, Joe Biden.
“Joe Biden nuk duhet të qëndroj i heshtur për këtë situatë”, ka përfunduar Grenell. /Gazeta Enigma/.
