Një aksident i rëndë trafiku raportohet të ketë ndodhur pak më parë në rrugën Duhël-Carralevë.
Në bazë të informacioneve të para nga Policia e Kosovës, si shkak i këtij aksidenti dy persona janë lënduar.
“Sapo është raportuar një aksident trafiku në rrugën Duhël – Carralevë. Në aksident janë të përfshira 2 automjete, nga aksidenti dy persona kanë pësuar lëndime”, tha zëdhënësi i Policisë së Kosovës për rajonin e Prizrenit, Shaqir Bytyqi.
Po ashtu i njëjti bëri të ditur se në vendin e ngjarjes tashmë kanë arritur edhe ekipet emergjente.
