Një veturë e Policisë së Kosovës është aksidentuar në Fushë Kosovë, raporton Gazeta Enigma.
Zëdhënësja e Policisë së Kosovës, Flora Ahmeti, tha për Gazetën Enigma se në aksident janë shkaktuar vetëm dëme materiale.
“Sot rreth orës 15:20 në rrugën Nëna Terezë në Fushë Kosovë , ka ndodhur një aksident trafiku, ku është përfshirë një veturë zyrtare e policisë. Në këtë aksident janë shkaktuar vetëm dëme materiale”, tha ajo.
Ndryshe, në 24 orët e fundit në Kosovë kanë ndodhur 52 aksidente trafiku./Gazeta Enigma/
