Kanë arritur dozat e para të vaksinave kundër COVID-19 nga Amerika në Kosovë.
Të pranishëm ishin ambasadori Kosnett, presidentja Vjosa Osmani dhe kryeministri, Albin Kurti.
Pranimi i këtij kontigjenti të vaksinave po bëhet në oborrin e Institutit Kombëtar të Shëndetësisë Publike.
Kontigjenti përfshin 35 mijë doza të vaksinës Pfizer nga programi Covax dhe do të jenë në shërbim të institucioneve shëndetësore në Kosovë menjëherë në fazën e vaksinimit masiv të popullatës.
Ndryshe, gjatë 24 orëve të fundit në Kosovë janë shënuar katër viktima dhe 2 mijë e 250 raste të reja me COVID-19.
Gjatë ditës së djeshme u raportua lidhur me ardhjen e vaksinave nga SHBA, ku e ka konfirmuar edhe një zëdhënës nga Aleanca Globale e Vaksinave, Gavi Covax.
“Po absolutisht – Kosova do të marrë 503,100 doza të dhuruara nga SHBA përmes COVAX”, u shpreh një zëdhënës i kësaj organizate ndërkombëtare.
