Kryeministri i Kosovës, Albin Kurti, e ka publikuar një fotografi në Twitter ku në sfond ndodhet flamuri grek.
Shefi i qeverisë shkroi aty për rrugën e Kosovës drejt Bashkimit Evropian.
”Duke qëndruar këtu 2 dekada pas Samitit të Selanikut, më kujtohet udhëtimi që Kosova ka bërë drejt BE-së, një dëshmi e përkushtimit tonë të palëkundur për paqen dhe demokracinë”, shkroi Kurti.
“Në Evropën që po përjeton përsëri luftën, më kujtohet gjithashtu se Bashkimi Evropian dhe përfshirja janë e vetmja rrugë përpara”, tha Kurti, i cili ka qenë për dy ditë në Athinë, pas ftesës së kryeministrit grek, Kyriakos Mitsotakis.
Kurti ishte në mesin e disa liderëve nga Ballkani Perëndimor, të Bashkimit Evropian, Ukrainës dhe Moldavisë që morën pjesë në një darkë joformale më 21 gusht në Athinë me rastin e 20-vjetorit të samitit BE-Ballkani Perëndimor.
Standing here 2 decades after the Thessaloniki Summit, I'm reminded of the journey 🇽🇰has undertaken towards the EU, a testament to our unwavering commitment to peace & democracy. W/ Europe witnessing war again, I'm also reminded that 🇪🇺unity & inclusion are the only path forward. pic.twitter.com/jvOUcQoNEV— Albin Kurti (@albinkurti) August 22, 2023
