HIB Petrol e ka pranuar se dyshet për një skemë të keqpërdorimit brenda kësaj kompanie.
Reagimi i HIB Petrol ka ardhur pasi mediat kanë shkruar se Dogana e Kosovës ka zhvilluar një aksion brenda kësaj korporate për keqpërdorime të naftës e cila ishte e paraparë për ambasada e cila merret pa akcizë.
Kompania përmes një postimi ka njoftuar se dyshohet që një punonjës të HIB Petrol ShPK ka vepruar individualisht dhe për interesa personale, raporton Gazeta Enigma.
Postimi i plotë:
Sot me datë 18 Mars 2022 HIB Petrol shpk është njoftuar në lidhje me dyshimet dhe hetimin e një skeme të keqpërdorimit të emrit dhe të autorizimeve, dhe e cila skemë mund të përfshijë një punonjës të HIB Petrol ShPK që ka vepruar individualisht dhe për interesa personale.
Në këtë drejtim, HIB Petrol ShPK që ka cilësinë e palës së dëmtuar, është në bashkëpunim të plotë me organet shtetërore duke tentuar që të bëjë sqarimin e plotë të ngjarjeve dhe të personave përgjegjës.
Në këtë drejtim, HIB Petrol ShPK ka ofruar tërë mbështetjen dhe dokumentacionin të cilin e ka pasur në dispozicion si dhe bashkëpunimin e plotë me qëllim të zbardhjes së plotë të ngjarjes.
HIB Petrol ShPK do të përdorë tërë mjetet ligjore për të adresuar dëmet të cilat i janë shkaktuar në lidhje me keqpërdorimet e mundshme.
