Instituti Hidrometeorologjik i Kosovës ka paralajmëruar se reshjet e shiut që kanë filluar mund të paraqesin vërshime të shpejta.
Sipas IHK-së, situata e ngarkuar pritet të jetë në sistemet e lumenjve në Klinë, Lumi i Istogut, Drini Bardhë (rrjedha e sipërme), Bistrica e Pejës, Deçanit, Ereniku, dhe në lindje, pellgu Morava e Binçës.
IHK tutje ka njoftuar se problemet lokale janë të mundshme sidomos rrëshqitje dhe shembje të tokës.
“Situatë më e ngarkuar parashihet të jetë në pjesën perëndimore të vendit, kryesisht në sistemet e lumenjve, Klina, Lumi Istogut, Drini Bardhë (rrjedha e sipërme), Bistrica e Pejës, Deçanit, Ereniku, dhe në lindje, pellgu Morava e Binçës”.
