Inspektorati i Policisë së Kosovës ka thënë se rasti i suspendimit të policit, Amir Hoxha nuk është duke u trajtuar nga ky organ mbikëqyrës i forcave të vendit.
IPK ka bërë të ditur se Amir Hoxha është suspenduar nga Policia e Kosovë, shkruan Gazeta Enigma.
“Duke ju referuar kërkesave të shumta ju njoftojmë se Inspektorati Policor i Kosovës nuk është duke e trajtuar këtë rast dhe nuk ka bërë ndonjë rekomandim për suspendim dhe se ky suspendim është bërë nga Policia e Kosovës”, thuhet në njoftimin për media të IPK-së.
“Bazuar në autorizimet ligjore të IPK-së hetuesit e IPK-së hetojnë të gjitha veprat penale të kryera nga punonjësit e Policisë së Kosovës, pa dallim grade dhe pozite gjatë ushtrimit së detyrës ose jashtë saj. Rekomandimi për suspendim nga IPK bëhet në rastet e hetimit të veprave penale dhe kur është në interes të procedurës hetimore – penale”, thuhet në reagim.
Zyrtari policor Amir Hoxha njoftoi se është supsenduar përkohësisht nga puna pas një postimi në rrjetet sociale ku kritikoi dpeutetët e Kuvendit të Kosovës për shpenzime dhe kërkoi pagesën për shujta për policët./GazetaEnigma/
