Kryeministri i Kosovës, Albin Kurti, me shumë gjasë nuk do të shkojë për t’u intervistuar në Prokurorinë Speciale.
Kjo pasi nesër, në orën 10:00, Ministria e Arsimit ka njoftuar për një ngjarje në Gjilan.
Atje është paralajmëruar që prezent të jetë edhe Kurti. Pikërisht në kohën e njëjtë kur Gjykata e urdhëroi të intervistohet në Prokurorinë Speciale.
Njoftimi:
Të nderuar përfaqësues të mediave,
Kryeministri i Kosovës, Albin Kurti, ministrja e Arsimit, Shkencës, Teknologjisë dhe Inovacionit, Arbërie Nagavci dhe kryetari i Komunës së Gjilanit, Alban Hyseni do të vendosin gurëthemelin e çerdhes së re në Gjilan.
Vendosja e gurëthemelit bëhet nesër, më 04 mars 2025, në ora 10:00, në lagjen “Livadhet e Arapit” në Gjilan.
Ju ftojmë ta përcillni këtë ngjarje.
