Emisari i Bashkimit Evropian për dialogun Kosovë-Serbi, Miroslav Lajçak, sonte do ta takojë zëvendëskryeministrin e Kosovës, Besnik Bislimin, për një darkë pune.
Kështu ka konfirmuar për klankosova.tv, Klisman Kadiu, i cili është këshilltar i Besnik Bislimit.
“Po, do të ketë një takim sonte me z. Lajçak. Mesa jam në dijeni do të ketë një darkë pune”.
Kujtojmë se një vit më parë, Bislimi e Lajçaku janë takuar për një darkë pune në Vjenë të Austrisë.
Lajçak sonte është i ftuar si mysafir edhe në emisionin Rubikon në Klan Kosova. Ai ekskluzivisht do të shpalosë detaje rreth propozimit të BE-së për normalizimin e marrëdhënieve Kosovë-Serbi.
