Mbretëria e Bashkuar synon që të arrijë marrëveshje me Kosovën, Serbinë dhe Maqedoninë e Veriut për të luftuar trafikimin e qenieve njerëzore.
Kështu ka raportua media britanike Independent, teksa ka pasqyruar pjesëmarrjen e kryeministrit Keir Starmer në samitin e Komunitetit Politik Europian në Hungari.
“Ky nuk është Bashkimi Europian, dhe asnjë nga këto tre vende nuk është (ende) anëtar i BE-së, kështu që ai anashkalon akuzat konservatore se po përpiqet të ‘përmbys Brexit’”.
Këto marrëveshje synojnë të rrisin shkëmbimin e informacionit dhe ekspertizës për të goditur rrjetet kriminale të trafikimit, njoftoi qeveria britanike.
Nisma erdhi përpara takimit të Komunitetit Politik Evropian, ku Starmer do të udhëheqë një diskutim mbi migracionin.
Kryeministri bëri thirrje për veprime të koordinuara për të ulur numrin e viktimave në Kanalin Anglez për shkak të kalimeve të rrezikshme dhe të paligjshme me varka të vogla.
Gjatë fjalimit të tij në Konferencën e Interpolit në Glasgow, Starmer theksoi se kriminaliteti i organizuar lidhur me migracionin duhet të trajtohet me të njëjtën rëndësi si terrorizmi.
Ai paralajmëroi se vetëm përmes bashkëpunimit ndërkombëtar do të jetë e mundur shkatërrimi i rrjeteve kriminale të trafikantëve që shfrytëzojnë migrantët.
