Në agjendën e Konferencës së Dytë Ndërqeveritare mes Shqipërisë dhe Bashkimit Europian, është edhe përshpejtimi i integrimit të Ballkanit Perëndimor në BE.
Lajmin e ka bërë me dije ministri hungarez i Punëve të Jashtme dhe Tregtisë, Péter Szijjártó, vend i cili mban Presidencën e radhës së BE-së dhe që do të drejtojë konferencën e Dytë Ndërqeveritare mes Shqipërisë dhe Bashkimit Evropian.
Ai tha se “do të ishim vërtetë të lumtur të kishim vendet e Ballkanit Perëndimor në BE, sidomos Shqipërinë”.
“Ajo çka kemi vënë në krye të agjendës është përshpejtimi i integrimit të Ballkanit Perëndimor në BE. Në fakt jetojmë në të njëjtin rajon dhe e dimë se çfarë ndryshimi ka zhvillimi në paqe dhe natyrisht që ne mund të ndihmojmë me zhvillimin e Ballkanit Perëndimor me zhvillimet paqësore në situatën e tyre”, tha ai, njofton TCH, transmeton Gazeta Enigma
Ministri i jashtëm hungarez: Do ishim të lumtur ta kishim Shqipërinë në BE
