Vetëvendosje në rundin e parë të zgjedhjeve lokale më 17 tetor nuk fitoi asnjë komunë. E në rundin e dytë, Ministrja e Drejtësisë, Albulena Haxhiu tha se Vetëvendosje synon t’i fitojë 12 komunat në të cilat është në balotazh.
Haxhiu në emisionin DPT te Fidani tha Vetëvendosje është angazhuar maksimalisht ta arrijë këtë synim.
Në pyetjen se në cilat komuna do të fitojë Vetëvendosje në rundin e dytë të zgjedhjeve, Haxhiu tha se do VV synon t’i fitojë në 12 komuna.
“Synojmë t’i fitojmë në 12 komuna në balotazh”, është shprehur Haxhiu.
Tutje, u kërkua një koment nga Haxhiu për zgjedhjet në Gjilan të cilat autori i emisionit i quajti “befasi”.
“Anamorava e jashtëzakonshme”, u përgjigj shkurt Haxhiu.
“Prishtina dhe Prizreni do të fitohen. Ne do të punojmë dhe të angazhohemi maksimalisht për këtë”, shtoi Haxhiu. /Gazeta Enigma.
