Gjatë ditës së sotme një person është vetplagosur me armë zjarri në Pozheran të Vitisë, raporton Gazeta “Enigma”.
Personi në fjalë është vetplagosur në shtëpinë e tij, derisa familjarët e kanë dërguar me urgjencë deri në Spitalin e Gjilanit.
Lajmin për Gazetën “Enigma” e ka bërë të ditur, zëdhënësi i Policisë për rajonin e Gjilanit, Valon Osmani.
“Një person është plagosur në këmbë me pushkë ajrore. Policia në vendin ngjarjes ka konfiskuar armën dhe disa diabolla. Rasti ka ndodhur në garazhin e shtëpisë së viktimës dhe nuk ka ndonjë indikacion që ai mund të jetë plagosur nga dikush. Me rastin po merret policia”, ka thënë Osmani.
Bëhet e ditur poashtu se personi në fjalë është trajtuar në QKMF në Pozheran e pastaj në Qendrën Emergjente në Gjilan.
Nga Prokurori i Shtetit rasti po cilësohet si “Përdorim i armës apo mjetit të rrezikshëm”.
