Në mesnatën e së shtunës, rreth orës 01:10, është përfshirë nga flakët pullazi i një ndërtese në Ferizaj.
Rastin e ka konfirmuar zëdhëndës polici për rajonin e Ferizajit, Kanun Veseli, ku njoftoj Policia e NJRSH-së dhe policia e rendit nga stacioni i Ferizajt reaguan menjëherë, duke evakuuar të gjithë banorët si dhe zjarrfikësit mbërritën dhe arritën ta lokalizojnë zjarrin.
Veseli, bëri të ditur se përveq dëmeve të konisderueshme materiale fatmirësisht nuk raportohet për të lënduar.
“Më datë 18.01.2025, rreth orës 01:10, kemi pranuar një informacion për një incident zjarri në një ndërtesë banimi, ku pullazi i saj ishte përfshirë nga flakët.
Policia e NJRSH-së dhe policia e rendit nga stacioni i Ferizajt reaguan menjëherë, duke evakuuar të gjithë banorët. Pas tyre, zjarrfikësit mbërritën dhe arritën ta lokalizojnë zjarrin. Dëmet materiale janë të konsiderueshme, por fatmirësisht nuk është raportuar për të lënduar”, ka thënë Veseli.
Ndërsa lidhur me rastin, prokurori i shtetit është njoftuar dhe nën autorizimin e tij, kanë nisur hetimet për të përcaktuar shkaqet e incidentit.
