Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se nga 1.474 testime, 5 qytetarë kanë rezultuar pozitiv me virusin COVID-19, raporton Gazeta “Enigma”.
Gjatë 24 orëve të fundit, nuk është shënuar asnjë rast i vdekjes.
Po ashtu janë dhënë 2.800 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.597.345 doza të vaksinës.
Deri më sot 751.131 qytetarë janë vaksinuar me dozën e dytë.
Sot janë shëruar 22 qytetarë, derisa numri i përgjithshëm i të shëruarve është 157.570.
Në total numri i rasteve aktive është 407. /Gazeta Enigma.
Pesë raste pozitive për 24 orë në Kosovë
