“Pikëllim i thellë” – Kurti ngushëllon familjarët e viktimave nga tragjedia në Koçan

“Pikëllim i thellë” – Kurti ngushëllon familjarët e viktimave nga tragjedia në Koçan

Kryeministri i Kosovës, Albin Kurti, ka reaguar pas tragjedisë që ka ndodhur mbrëmë në Maqedoni të Veriut, ku si pasojë e një zjarri që shpërtheu në një diskotekë në Koçan, ku 51 persona humbën jetën, raporton Gazeta “Enigma”.

Kurti përmes një postimi në rrjetin social “X” ka thënë se humbja e 51 jetëve është një lajm pikëllues e shkatërrues.

“Me pikëllim të thellë e mora lajmin për humbjen shkatërruese të 51 jetëve në Koçan të Maqedonisë së Veriut, si pasojë e një shpërthimi tragjik të zjarri në një klub nate.

Shpreh ngushëllimet e mia më të thella për familjet që humbën më të dashurit e tyre, si dhe për liderët dhe qeverinë e Republikës së Maqedonisë së Veriut dhe të gjithë vendit në këtë kohë pikëllimi. Të lënduarve iu uroj shërim të shpejtë dhe të plotë”, ka shkruar Kurti. /Gazeta Enigma/

Related Articles