Qeveria e Kosovës në mbledhjen e mbajtur të mërkurën mori një hap drejt themelimit të Muzeut të Gjenocidit dhe Përpjekjes për Liri nëpërmjet votimit të shqyrtimit të propozim-vendimit për këtë muze, raporton Gazeta Enigma.
Në mbledhjen e Qeverisë, ministri i Kulturës, Hajrulla Çeku, ka njoftuar se muzeu fillimisht do të themelohet si njësi e veçantë në kuadër të Muzeut Kombëtar të Kosovës, e pas hyrjes në fuqi të Ligjit për muze si institucion.
“Institucioni do të vendoset në ndërtesën ku aktualisht është Ministria e Kulturës ndërsa paralelisht do të zhvillojmë procedurat për zhvendosjen e administratës në një ndërtesë tjetër ose një të re. Kemi ndarë edhe buxhetin e nevojshëm”, ka deklaruar Çeku.
Ndonëse i gjithë kabineti votuan për, ishte ministri Nenad Rashiq i vetmi që abstenoi. / Gazeta Enigma.
