Dukagjin Nikollaj, i dyshuar për përfshirjen në vrasjen që ndodhi më 4 gusht 2023 në lokalin “Bon Vivant” në Prishtinë, raportohet se është arrestuar nga autoritetet spanjolle.
Mediat kanë raportuar se Nikollaj, i cili ishte në arrati për disa muaj, u kap pas një operacioni të policisë në Spanjë.
Ai akuzohet për përfshirje në të shtënat me armë zjarri që përfunduan me vdekjen e Kastriot Ramadanit dhe plagosjen e katër personave të tjerë.
Pas ngjarjes, Nikollaj kishte shpëtuar dhe ishte shpallur në kërkim nga autoritetet kosovare dhe ndërkombëtare.
Përveç akuzave për vrasje dhe plagosje, Nikollaj është i kërkuar edhe nga FBI për trafikim narkotikësh. Për pesë vjet, ai dyshohet të ketë qenë i përfshirë në një rrjet të madh trafikimi të marihuanës nga Kanadaja në New York.
Në lidhje me ngjarjen e 4 gushtit, Andi Pajaziti, një tjetër i dyshuar, ishte liruar nga akuzat për vrasje, por u dënua me dy vjet burg për armëmbajtje pa leje.
