Autoritetet izraelite kanë bërë një përmbledhje të sulmeve të vazhdueshme iraniane që kanë nisur që nga e premtja, më 13 qershor 2025.
Sipas të dhënave zyrtare, Irani ka hedhur qindra raketa dhe mbi 1,000 dronë në drejtim të territorit izraelit, duke shkaktuar dëme të mëdha njerëzore dhe materiale.
Në total, regjimi iranian ka qëlluar afërsisht 480 raketa dhe 1,110 dronë sulmues kundër civilëve izraelitë, duke goditur më shumë se 50 vende të ndryshme, përfshirë edhe ndërtesa banimi dhe zona të banuara.
Si pasojë e këtyre sulmeve, 25 persona kanë humbur jetën, përfshirë edhe fëmijë, ndërsa mijëra të tjerë janë plagosur. Autoritetet raportojnë 2,572 persona të plagosur, nga të cilët 14 janë në gjendje të rëndë.
Përveç humbjeve njerëzore, dëmet materiale janë vlerësuar në mbi 2 miliardë dollarë. Mbi 8,190 persona janë detyruar të evakuohen nga shtëpitë e tyre për shkak të rrezikut të vazhdueshëm nga sulmet.
