Një 49 vjeçar ka vdekur si pasojë e një vetaksidenti në fshatin Babaj Bokës, saktësisht në rrugën Gjakovë – Ponoshec, raporton Gazeta Enigma.
Lajmin për Gazetën Enigma e ka konfirmuar zëdhësi i policisë për rajonin e Gjakovës, Sheremet Elezaj.
Elezaj tha se dyshohet se viktima, duke mospërshtatur shpejtësinë me kushtet e rrugës me automjetin e tij është vetaksidentuar.
“Sot reth orës 06:00 policia është njoftuar për aksident trafiku në fshatin Babaj Bokës (rruga Gjakovë-Ponoshec). Njësia Rajonale e Komunikacionit Rrugor dhe ambulanca ka dalë në vendngjarje ku ekipi mjekësor ka konstatuar vdekjen e një personi mashkull/kosovar lindur në vitin 1973. Bazuar në hetimet e para dyshohet se viktima, duke mospërshtatur shpejtësinë me kushtet e rrugës me automjetin e tij është vetaksidentuar. Lidhur me rastin është njoftuar Prokurori i Shtetit me vendimin e të cilit trupi i pajetë dërgohet në Institutin e Mjekësisë Ligjore për obduksion. Rasti procedohet si “Vetaskident trafiku me fatalitet” – tha Elezaj. /Gazeta Enigma/
