Raportuesja e Parlamentit Evropian për Kosovën, Viola Von Cramon ka kërkuar që gratë të përfshihen në procesin e dialogut me Serbinë.
Cramon ka thënë se proceset në Kosovë nuk po përcillen me transparencë.
“Kam mësuar nga ju zotëri Bislimi që e kushtëzon anëtarësimin në BE. Pa një marrëveshje gjithëpërfshirës ndërmjet Kosovës dhe Serbisë pranimi në integrimin në BE nuk mund të ndodhë. Dialogu duhet të bëhet prioritet politik dhe duhet të shohim përkushtim të fuqishëm dhe Kosova të angazhohet në këtë proces që të ketë rezultatet pozitive. Prandaj ftoj autoritet dhe kryeministri e kuvendin të krijojnë platformë. Është e papranueshme që asnjë grua nuk është duke negociuar në Stabilizim Asociimin” ka potencual Cramon.
Tutje ajo ka shtuar se në dialog është e nevojshme që të ketë më shumë gra.
“Me keqardhje duhet të them se proceset në Kosovë nuk janë transparente. Ndryshimet duhet të bëhen brenda kornizës institucionale të Kosovës për të ecur përpara për ta përmbyllur këtë dialog. Edhe pse kemi pasur mospërputhje ka sinkronizim në këtë dialog”, ka thënë ajo.
“Kosova duhet të përdorë mundësisë të reja me aleat për ti shtyrë për të përmbyllur dialogun. Dialogu Kosovë serbi kërkon vullnet të madh për mbrojtje të minoriteteve. Duhet t’i respektojmë obligimet tona dhe të kërkon vizion të gjerë për të gjetur paqe për tërë rajonin. Unë jam e bindur që Kosova mund ta bëjë për shkak të qytetarëve të saj. Kosova e meriton njohjen nga të gjitha vendet”, përfundoi Cramon.
/Gazeta Enigma/
