Një person ka vdekur në një aksident trafiku në rrugën Prizren-Suharekë, mëngjesin e së enjtes, raporton Gazeta Enigma.
Bazuar në informacionet e para në këtë aksident janë të përfshira dy automjete me targa vendore, ku si pasojë e këtij aksidenti ka vdekur viktima 40 vjeçar.
I dyshuari për rastin pas marrjes së ndihmës së parë është ndaluar për 48 orë me urdhër të prokurorit të Shtetit.
Vdekjen e tij e ka konstatuar stafi përgjegjës i Emergjencës së QMF në Suharekë.
“Me datën 15.08.2024, rreth orës 06:16, është raportuar për një aksident trafiku të ndodhur në rrugën Prizren-Suharekë (Rrafshi i Sopis). Lidhur me rastin janë njoftuar njësitë përgjegjëse policore të cilët menjëherë kanë dalë në vendngjarje.
Bazuar në informacionet e para në këtë aksident janë të përfshira dy automjete me targa vendore, ku si pasojë e këtij aksidenti dyshohet se një person ka ndërruar jetë (mashkull rreth 40 vjeçar )”, njofton policia.
Lidhur me rastin dhe mjetet e përfshira në aksident, janë duke u kryer hetimet nga njësia e Trafikut Rajonal e Prizrenit. Në vendin e ngjarjes kanë dalë, prokurori i rastit dhe njësitet tjera relevante. Me urdhër të prokurorit të shtetit trupi i pajetë dërgohen në IML Prishtinë, ndërsa i dyshuari pas marrjes së ndihmës së parë ndalohet për 48 orë në ndalim policor me urdhër të prokurorit të Shtetit. / Gazeta Enigma.
