Real Madridi ka marrë një tjetër gjobë nga UEFA, kësaj radhe për sjellje racite nga tifozët e tyre gjatë duelit ndaj Arsenalit në Ligën e Kampionëve.
Incidenti ndodhi gjatë përballjes së parë në ‘Emirates Stadium’ të zhvilluar në muajin prill.
Sipas Mundo Deportivo, ‘Los Blancos’ janë dënuar me një gjobë prej 15 mijë eurosh nga Komiteti i Kontrollit, Etikës dhe Disiplinës për qëndrimet raciste të tifozëve të tyre.
Ata gjithashtu kanë vendosur një masë ndalimi në biletat si mysafir, që do të jetë e vlefshme për vitin e ardhshëm dhe do të thotë se në rast se ata shpallen fajtor për një tjetër shkelje, tifozëve të tyre mund t’iu ndalohet pjesëmarrja në ndeshjet si mysafir në garat e UEFA-s.
Nuk është edne e qartë se si ka ndodhur incidenti, të paktën deri më tani, pasi nuk është raportuar aq shumë në mediat ndërkombëtare.
Kjo nuk është hera e parë që Real Madridi ka qenë në probleme me trupin qeverisës për sjelljen e tyre këtë sezon, veçanërisht që ka të bëjë me lojtarët e tyre.
Pas triumfit ndaj Atletico Madridit, Antonio Rudiger, Kylian Mbappe dhe Dani Ceballos që të gjithë morën gjoba për festimet e tyre, për të cilat UEFA konsideroi se kishin kaluar kufirin.
Rudiger dhe Mbappe gjithashtu u dënuan me nga një ndeshje, që do të thotë se në rast që ata shkelin rregullat sërish, do të përballen me një suspendim gjithashtu.
Real Madridi ka qenë tejet i zëshëm për racizmin në futboll në vitet e fundit dhe kanë dënuar abuzimin ndaj Lamine Yamal në ‘Santiago Bernabeu’ në tetor, ndonëse nuk e kanë konfirmuar ende përjashtimin e tifozëve të përfshirë në atë rast.
