Deri më tani, 291 mijë e 645 është numri i qytetarëve kosovarë të vaksinuar me të dyja dozat.
Kjo e dhënë është zyrtare nga Ministria e Shëndetësisë, e cila çdo ditë përditëson këto të dhëna, në kuadër të raporteve për koronavirus
Sipas statistikave të institucioneve botërore të shëndetësisë, Kosova mund të arrijë shifrën prej 70% të popullatës së vaksinuar më shpejtë sesa vendet e rajonit, saktësisht për 121 ditët e ardhshme (nga para dy dite), nëse procesi i vaksinimit shkon siç po shkon tani.
Në anën tjetër, 570 mijë e 579 banorë e kanë pranuar të paktën njërën dozë, çka nëse mblidhen bashkë, atëherë shihet se deri më tani nga dita e parë e dhurimit të vaksinave, janë shpërndarë 862 mijë e 224 sosh në total.
Sa i përket rasteve të reja, në 24 orët e fundit janë regjistruar 1612 raste pozitive, kurse u konfirmuan edhe 32 viktima.
